Uchta baland bo'yli ayol

Edvard Olbi — Pulitser mukofotining uch karra sovrindori, eng sermahsul amerikalik dramaturglardan biri, uning pyesalari yarim asrdan ortiq vaqt davomida butun dunyoda muvaffaqiyat bilan sahnalashtirilib kelinmoqda — ularning deyarli barchasi dramaturgiya bestsellerlaridir. «Uchta baland bo'yli ayol» Olbiga 1994-yilda Pulitser mukofotlaridan birini keltirdi. Olbi ushbu pyesani marhum asrab oluvchi onasi xotirasiga bag'ishlagan. Olbining o'z tarixini biladiganlar uchun shaxsiy ohangga shubha yo'q: qahramonining o'g'li singari, u yoshligida uydan ketgan. Hatto asrab oluvchi otasining familiyasini ham olgan. Endi esa, qariganida, eski qarzlarini to'lamoqda: pyesada faqat uchta qahramon, to'g'rirog'i, uchta qahramon ayol bor va ulardan boshqa hech kimning o'zini oqlash uchun ovozi yo'q. Bu pyesa har bir yoshning o'z haqiqati borligi, har kimning o'z tashvish va xafagarchilik sabablari, o'z kechirim asoslari borligi haqida. Uchala turli yoshdagi ayol (mos ravishda 92, 52 va 26 yosh) — uzoq va baxtsiz yashagan bitta ayolning turli qiyofalaridir. Ular uch yuzda bir butundir. Ularning umumiy tarjimai holi va umumiy taqdiri bor. «Men» va «biz» o'rtasidagi chegaralar o'chadi. Hazil dialog iqror monologlariga aylanadi.

Kechikib kelgan tomoshabin, zalga kiritilmaydi. Iltimos, oldindan kelishingizni so'raymiz.
Edvard Olbi
Postanovka: Mark Vayl