Erkin roman

«Erkin roman» spektakli — sevgi, vaqt va biz haqidagi romandir. Unda siz XIX asrning frak va krахmallangan yoqalarini topa olmaysiz: barcha qahramonlar zamonaviy yigit-qizlar bo'lib, shuning uchun hikoya zamonaviy teatr, Toshkentning yosh bastakorlari yozgan zamonaviy musiqa tilida olib boriladi, ularning kompozitsiyalarini esa Ryuichi Sakamotoning yurakni tilka-tilka qiluvchi musiqasi qamrab oladi. Spektaklda dunyo kabi oddiy tarix qayta yaratilgan: unda qiz yigitni sevib qoladi, yigit uni qadrlamaydi, ammo… yillar o'tadi. U qizni «jamiyatda — u ajoyib ayolga aylangan holda…» uchratadi. To'g'ri taxmin qildingiz — Pushkin bu tarixni «Yevgeniy Onegin» romanida tasvirlagan. «Ilxom» spektaklining bosh qahramonlari — tashqi ko'rinishi va xarakteri turlicha bo'lgan oddiy zamonaviy yigit-qizlar. Har bir tomoshabinga o'zini Yevgeniy va Tatyana o'rniga qo'yish imkoniyati beriladi.

Aleksandr Sergeyevich asarlarida tasvirlangan hikoyalar — sodda, romantik, ba'zan шo'x, ba'zan istehzoli. Spektakl mualliflari unga hurmat va ishonch bilan hamma narsada, eng muhimi esa so'z, fikr va tuyg'ularni ifoda etish erkinligida ergashdilar. Chunki, muallifga shunchaki ergashib, butun bir olamni kashf etasiz. «Yevgeniy Onegin» tarixi ichida spektaklda she'rlar, «Graf Nulin» dostoni, «Gavriiliada» va bezovtalantiruvchi «kichik fojialar»: «Vabo davridagi ziyofat» va «Toshdan yasalgan mehmon» uyg'un tarzda yashaydi. Bunga muallifning o'zi imkon beradi, chunki u o'z asarini «erkin roman» deb atagan.

Spektakl davomiyligi: 3 soat (tanaffus bilan)

Kechikib kelgan tomoshabin, zalga kiritilmaydi. Iltimos, oldindan kelishingizni so'raymiz.

Aleksandr Pushkin
Kompozitsiyalar va postanovka: Mark Vayl